Ante a preocupación dos
compañeiros das USES de Lugo, polo rumor que nestes últimos días cobraba maior
forza sobre a inminente desaparición para o mes de xullo das unidades de
urxentes, este sindicato como non podía ser doutra forma púxose en contacto
directamente co xefe das USES da Zona Primeira o cal nos informou que o único
que haberá, será o peche das unidades de urxentes en período vacacional polas
tardes ao igual que o ano pasado. O peche será dende o 15 de xullo ata o 15 de
setembro, no que os compañeiros da quenda de tarde pasarán á quenda de mañá.
Este sindicato estará moi atento
ante calquera intento de eliminar as unidades de urxentes por parte da empresa,
tal como se vén escoitando polo medio
destes rumores que se lanzan coa intención de ver as reaccións dos
traballadores.
