Con igual entusiasmo se amosaba o Secretario Comarcal da CIG de Lugo, Xosé Ferreiro, ao aseverar que “hoxe os traballadores e traballadoras de Lugo deron unha lección de dignidade”, deixando ben claro que as maiorías electorais non coinciden coas maiorías sociais. Ferreiro subliñou a elevada participación na manifestación que, con máis de 12.000 asistentes, xa é a manifestación máis grande celebrada na cidade. “Escollemos a praza máis grande de Lugo e a pesar diso a metade da xente quedou fóra da mesma”.
No tocante ao seguimento da folga, Ferreiro tamén destacou o importante seguimento do paro, especialmente no Polígono do Ceao, onde boa parte das empresas están pechadas.
