A XEFATURA PAGARÁ OS QUILOMETROS DOS RECARGOS QUE CERTIFIQUE
O SEU XEFE INMEDIATO AO PERSOAL RURAL
Despois que dende a Xefatura estaba
a dicirse que non se pagarían os Qm. dos recargos a ninguén, agora infórmannos que se
pagarán os quilómetros que certifique o Xefe da Unidade.
Esta historia dos recargos vén de
lonxe recordemos que nun principio empezaron con que pagaban os Qm. dos recargos, se
non o pedías por escrito, posteriormente xa non chos pagaban senón superaban
unha semana, alegando a empresa que se estaba a cobrar a achega de vehículo a
25 días e actualmente se traballan 22 ao mes pola supresión dos sábados.
Dende a CIG temos claro que si Correos non quere pagar os quilometros dos
recargos non debes facer nin un só Qm. máis dos que se
teñan asignados.
Consellos sobre a Forma de actuar diante
os Recargos:
Solicitalo sempre por escrito (por se temos un accidente fóra
da nosa zona de reparto)
Non realizar nin un só km. a maiores dos que temos asignados, (se Correos persiste en non os pagar.)
Pasar os partes de Correo pendente cada día, se o xefe non
chos quere asinar mándanolo ao sindicato.
Non te fagas responsable do Correo, cada día pregunta ao teu
xefe inmediato que Correo quere que saques ou porque zonas quere que repartas,
sempre tendo en conta os km. que tes asignados. Isto hai que telo en conta
ante as posibles reclamacións que puidese haber polo atraso da correspondencia,
a Xefatura o primeiro que fai é culpar o carteiro e lavarse as mans, cando son
eles os culpables pola súa cicatería.
Ante calquera tipo de presión ou ameaza, ponte en contacto
inmediatamente co sindicato.
A CIG non
esquece ao colectivo dos rurais que está a ser duramente castigado coas subas
do gasóleo, mentres que os sindicatos asinantes CCOO, CSIF, UGT e S.L. miran para outro lado e non esixen a Correos que
cumpra co asinado no III Convenio, a revisión do prezo do combustible dentro
dos tres meses seguintes á súa firma, xa levan máis dunha ano e nada de nada,
só foi unha promesa electoral das moitas que fixeron e logo non cumpren
