Correos abre expediente a 14 empregados da central por "condutas
intolerables" durante a folga.
Cunha actitude covarde e traizoeira a empresa
pretende rebentar a folga na cartería da
central de Vigo,
iniciando expedientes disciplinarios a 14 compañeiros entre os que están
membros do comité de folga; a estes
compañeiros acúsanos de "non respectar a liberdade” dos
que non secundaban o paro "con insultos, coaccións, ameazas e outros
comportamentos agresivos"
Esta é a forma de
negociar que ten Correos, cando se atopa en fronte a uns compañeiros decididos
a non se deixar pisar, firmes na súa decisión de manter a loita porque entenden
que non soamente é loitar en contra da supresión de 13 postos de traballo,
senón tamén é loitar contra a deterioración dun servizo que nos está a facer
perder clientes dunha forma sangrante, en definitiva é loitar pola defensa dun
servizo postal público que parece non interesarlle a este goberno.
