A Área Pública da
CIG (CIG-Ensino, CIG-Saúde e CIG-Administración) manifesta a súa máis rotunda
oposición á pretensión do PP de facer pagar ás empregadas e empregados públicos
o rescate da banca cos seus postos de traballo. Consideramos que é inaceptábel
tratar de aforrar 80.000 millóns de euros a cambio de mandar ao paro ás persoas
que traballan para as administracións, cando non se adopta ningunha medida
dirixida a facer pagar a quen máis ten, controlar as actividades dos
especuladores, impedir a fraude fiscal ou mudar un sistema que está a favorecer
a acumulación de capital en cada vez menos mans, mentres se empobrece ao
conxunto da poboación.
